13-майда Кыргыз футбол союзунун кеңсесинде Кыргыз футбол союзунун техникалык директору Анарбек Ормомбеков жана футзалды өнүктүрүү боюнча техникалык директору Амиржан Мукановдун катышуусунда футзал боюнча машыктыруучулар үчүн 1 даражадагы футзал боюнча АФКнын машыктыруучулук курсунун ачылыш аземи өттү. ⠀

Бул курстун инструктору - Марат Дуванаев, анын жардамчысы - Николай Шамонин.

Жалпысынан бул курска өлкөнүн бардык аймактарынан 19 катышуучу катышып жатат.

Окуу 18-майга чейин өтөт жана өзүнө бир нече теориялык, практикалык сабактарды камтыйт.

12-майда борбор калаадагы"Алай" спорткомплексинде Кыргыз Республикасынын футзал Ассоциациясынын U-15, U-17 өспүрүмдөр арасындагы Кубогунун жыйынтыктоочу турунун беттештери болуп өттү. Турнирге алдыңкы төрт аймак катышкан: Бишкек, Чүй, Ош жана Жалал-Абад.

6 турдун жыйынтыгы боюнча U-15 командалар арасында Бишкек 6 оюндун ичинен 6 жеңишке жетип (18 упай), жеңүүчү болду, Ош (10 упай) экинчи, Чүй (7 упай) үчүнчү болду.

U-17 категориясында Кубоктун ээси Бишкек (13 упай), экинчи орунда Чүй (8 упай), үчүнчү орунда - Жалал - Абад (8 упай) командасы болду.

Оюндардын соңунда командаларды сыйлоо аземи болуп, мыкты оюнчулар да аталды.

U-15 АФКР Кубогунун мыктылары:

Мыкты калыс - Наксутбеков Айдар 

Мыкты дарбазачы - Жузумалиев Исламбек (Чуй)

Мыкты коргоочу - Кошбаев Мирел (Ош) 

Мыкты чабуулчу - Шахапов Элмырза (Жалал-Абад)  

Элдин сүймөнчүлүгү - Токтобеков Амир (Бишкек)

Мыкты бомбардир - Каныбеков Атайбек (Бишкек)

Мыкты оюнчу - Эгенбергенов Нурдоолот (Бишкек)

U-17 АФКР Кубогунун мыктылары:

Мыкты дарбазачы - Куватбек Адиль (Бишкек)

Мыкты коргоочу - Джумабеков Тариэл (Чуй) 

Мыкты чабуулчу - Сайфуллаев Хожиакбар (Жалал-Абад)  

Элдин сүймөнчүлүгү - Маликов Абдурасул (Чуй)

Мыкты бомбардир - Маматов Артур (Бишкек)

Мыкты оюнчу - Маматов Артур (Бишкек)